wei_winnie

16周喺市妇幼建档前，顺道去咗广医荔湾医院预约免费大排畸检查，时间系12月26日8：10，早上第1个。


做大排畸检查前一周，我哋不断隔住肚皮同唐小B讲，要记得同医生笑，唔好郁嚟郁去，比医生睇清楚D器官，要发育得健健康康，唔好玩脐带啊，唔好翘落条颈度啊，亦都唔好用手揸住。爸爸同妈妈睇唔到你，亦都帮唔到你啊，你要听话啊！


今日Boxing Day，7：00叫醒小B爸起身了，当时B超预约嘅护士已提醒唔好迟到，如果迟到就要等所有人做完先到我。好在屋企连医院好近，步行15分钟就到，还专门买咗一条最细嘅士力架嚟吃，当提前同唐小B做好热身运动，等佢好好配合医生嘅检查。


7：55就到咗医院，我好紧张，一去到医院就去厕所。报到后，B超室护士话我做乜唔带埋之前嘅B超检查报告嚟医院？小B爸爸仲喺度纠结紧要唔要马上番屋企？定系叫奶奶马上送嚟医院？好彩我突然醒起，支付宝关联咗市妇幼，可以查到之前B超结果，即刻话俾护士知，佢话无问题，当时俾医生睇就得。呼～松一口气


8：10见到一堆医生匆匆忙忙，衫都未换冲入去B超室，唉，医生迟到！跟住就慢条斯理换衫、煲水、吃早餐，再一次，唉～
一路睇住电视机播宣传片讲母乳喂养嘅知识，无咁闷，一直等到8：35，先开始叫名。


广医荔湾医院嘅B超室，毫无私隐而言，一间房，容纳2个病人，中间无布帘隔住，医生只要大声D讲嘢，仲可以同隔离房倾计，甚至门口接单嘅护士都可以倾到计。唔似市妇幼咁，一间间独立房间。今日佢哋嘅话题系：主管唔钟意佢哋放假，话积埋好多假都未休，如果唔俾休息，就投诉到去院长度。～拜托，大家可唔可以专心工作呢？我无兴趣听你哋D事非！


做大排畸检查真系要15-20分钟，我不时睇下手表，点解做咁耐？系咪有咩事呢？越系咁林，对手又唔知放喺边度好，成班医生喺度讲事非，唐小B喺度郁嚟郁去。我一直喺心里默念住：小B你要加油啊，爸爸同妈妈一直支持你啊～


终于，9：05做完检查啦，但医生部电脑死咗机，话佢个个人模版打唔开，要我喺门口等结果！～拜托，点解呢间医院咁多古灵精怪嘢？等咗5分钟，护士攞咗结果出嚟，问我喺边间医院产检，听到系市妇幼，就叫我去俾呢间医院嘅产科医生睇下，到时就带番市妇幼。果位好后生嘅产科男医生，揸住我张B超单，第一句：“系咪做免费？” ，第二句：“无事啦，拎番去产检医院”，就打发我走。


我上传张图比大家睇下，我番到公司将英文代号翻译咗，先知系咩意思。

wei_winnie

我嘅大排畸报告数值大搜查，资料来源于度娘

胎位RSP ～ RSP的意思是宝宝肩在下面，是 胎位不正 的意思！如果现在是脚在下面那么说明宝宝又移动过。在孕7个月前胎位不正，只要加强观察便可。 因为宫内羊水较多，胎儿有活动余地，会自行纠正胎位。若孕7个月以后胎位仍不正，便要纠正了。

BPD ～ 双顶径

HC ～ 头围

AC ～ 腹围

FL ～ 股骨长

都系市妇幼嘅B超报告好，全部唔会用专业术语表示

wei_winnie

小B爸话成份报告嘅亮点系：双手握拳状，胎动好

依家唐小B对声音好敏感，听儿歌会跟住郁，听到嘈声，我会感觉到佢拉扯住我子宫。小B爸说，估计班医生喺度讲事非，佢觉得嘈，所以握拳想打佢哋 ～～爸爸，点解你林到我哋小B咁暴力？佢可能只系好奇而已

hiAngelbaby

宝妈，免费的大排畸是二维的是吗

wei_winnie

是二维的
来自[妈妈网Android版]