clevergirl0701

  睇过咁多生产记，今日终于都可以同大家分享翻我自己既生产经验啦，文字太长，大家希望大家唔好睇到眼花啦
可能因为我屋企系住9楼既关系，整个孕期，每天最少都要爬一次9楼，加上坚持上班，每天落班都要买菜煮饭，所以咁顺利吧，有可能的话各位准妈妈都系行多d楼梯比较好。下面同大家分享下系医院既生产篇同住院篇啦。     
（一）生产篇
        7月8日既凌晨4点几，我家小B终于都出来同我地见面啦，提早左8日。本来7月16日既预产期，刚好返工翻到星期五，谂住星期一就开始休产假啦，点知BB咁乖星期日就出来啦，一日都无浪费到我既产假！其实由意外咁有左开始，BB一直都好乖，前期咩妊娠反应都无，而且食得走得！产检一直都好顺利，次次都通过~！虽然期间都有好多辛苦既野，不过BB已经好贴心噶啦。
        仲记得星期六晚先同朋友讲，唔知BB几时先发动呢，希望佢唔好浪费我既假期啦，点知半夜佢就自己申请出来啦。
        当晚，刚好冲完凉准备上床瞓觉，同平时一样，都会摸下个肚，睇下BB系度做咩先。当时BB系度打嗝，我仲叫老公都摸下添。大概一点左右，突然感觉到BB用左小小力咁向下面顶左一下，然后就听到好细声既“噗”，就感觉到下面有股水流出来....我楞左一下，心谂，唔系破水吧？！隔左几秒，又一股液体流左出来，跟住我就叫醒我老公啦，话好似破水啊！然后老公就叫我去厕所睇下仲有无水流出来，我马上去拿块M斤，然后就去厕所啦。换左M斤后，居然无水流出来啦！两个人都懵左，究竟系咪破水呢？然后我老公马上去百度查下，叫我换好衫先（我地两个都系懒鬼，38W+啦，都完全没收拾好入院要用既野！）。商量左一下，都系决定先去医院啦，白行一趟，好过去唔切医院BB有事啦。呢个时候，大概点半左右吧，我开始觉得好急屎，我老公话，唔好屙住啦，忍下先啦，去到医院先屙啦！- - !无耐，就感觉到个肚开始发硬啦。于是我地马上落楼，我地住9楼啊，无电梯，慢慢咁行落去打车，还好屋企离医院唔远！
       去到医院急诊室，大概2点吧，比个值班护士带左入去检查，点知入到去，系个男医生来阴检既！！呢个时候，急屎既感觉越来越频密啦已经，而且个肚硬既间隔越来越短啦....虽然检查既时候尴尬，又难受，不过仲可以系接收既范围内。检查完，个男人就话，你系破水啊，不过未开宫口，入院啦！就咁，我老公就走去帮我办手续，我就只能瞓系张病床度等人推我上楼。呢个时候大概2点半吧，我仲打电话翻屋企同阿妈讲，我破水入院啦，不过应该无咁快生的，听日再比电话你啦。
       比人推到上8楼待产房啦，然后又有个护士来问情况，比医院衫你自己换，然后又有阴检，不过呢次个护士比较温柔，虽然都系有d痛。呢个时候，个护士话，你已经开左3指咯啵，可以直接入产房噶啦~！“吓？！又话未开指既头先个医生？”“3指啦，开快d米好咯，生快d吖嘛！你开左3指，打唔打无痛啊，呢个时候打系最好既”我马上话“打啊！”因为之前已经有朋友系度生过，而且打左无痛，佢话唔打无痛，真系好难顶的，所以我谂都无谂，就同护士话打啦！跟住问护士，陪产房有无人啊？可唔可以用个陪产房？- -!倒霉，护士话今晚个陪产房已经有人用左啦。顶，呢头先同老公讲好佢肯陪产，点解咁黑仔噶！然后要自己过床，送去大产房！因为入得来急，连老公都未见到，所以只能同护士申请，系门口度同老公讲两句啦....我同老公讲左话无得陪产啦，个陪产室有人了，而且已经开左3指啦，要直接入产房了，交待左两句，就比人送去刑场了~~~
       入到去，又挨过一轮屎急（即系宫缩）之后，又要自己过床！市妇幼既大产房入面有3张产床的，然后d护士、助产士、医生就系度走来走去忙来忙去咁。又挨左一阵宫缩后，个麻醉师终于都到了，帮我打无痛，系脊椎度打针的，我原本以为都好痛下，不过貌似个麻醉师手势都可以喔，同平时打针差唔多，唔系好痛。打完之后，成个人都松晒咁，宫缩既感觉越来越唔痛啦，顿时舒服左好多！然后我就被凉在床上，等宫缩啦....D工作人员（分唔清边d系医生边d系助产士边d系护士）依然系度好忙咁行来行去....间中有人过来问下我，讲两句等阵要点用力，然后又走开了。到左大概3点半既时候（咁岩我张床对到正个钟，所以我一直系度望住d时间），又个工作人员走过来睇左下，然后讲，你开晒啦，自己试下用力啦。“吓？点用力啊？”我仲想讲多句，咁快开晒？有无睇错啊？不过都系唔敢讲，费事比工作人员闹了....
       然后佢教左两三次，就话，你觉得痛既时候就自己试下用力生啦，跟住又走开左....我心谂，你走开左，咁我点生啊@？！跟住我一直望住个钟，系度谂，我未感觉到好痛喔...咁点生点用力啊，而且而家先3点几，乜咁快可以生啦咩....跟住仲同BB倾计，BB啊，你确定你而家要出来啦？但系妈咪好似仲未做好心里准备啊...好惊啊，都唔痛，点用力嗟！期间个工作人员走左过来几次，问，你有好强烈既大便感觉未啊，我话未，然后佢又走开左,顶，唔使咁吧，你成日走开，就算我有，都无用啦！望住个钟，系度等，究竟几点BB先出世呢？等左10来分钟左右，开始觉得有点强烈既便意啦，于是直接叫姑娘，我开始有便意啦~~~终于，都有一个助产士过来理我啦，教多左我次点用力之后，就走左去准备侧剪同缝针既工具。我见佢又走开左，于是就叫啦，医生你唔好行开啦，你行开我唔敢生啦，你唔系度我无安全感啊！跟住落来，当然比个助产士话啦，“我唔行开点帮你准备接生d工具啊！”唉，终于，又等左一阵，呢个时候宫缩感觉都开始强烈啦，助产士都准备好晒d野啦，然后佢会叫你自己用多几次力，话已经见到BB头发啦，用左几轮力之后，助产士就话，我准备帮你剪啦，你听住指挥用力吧。存气，用力，感觉到下面比人剪左一下，有点儿痛，不过可以接受，然后感觉到个下面有野出左来，个肚突然成个轻松晒，BB出左来啦！跟住佢叫我再用DD力，然后胎盘都出埋来了。护士呢个时候，会同你报BB的出生时间。
       呢个时候，我比人凉左系一边...助产士同护士都去左处理BB...等左好耐，都未听到BB既喊声，只系不断咁听到BB比人拍PP既声音！唔系挂，我生得咁辛苦，点解BB唔识得喊噶？！我开始惊啦~！BB比人拍左两轮PP，大概1~2分钟之后，终于，听到BB既喊声啦，个心终于都定左落来啦....然后我继续比人凉左系度，等啊等，等啊等，等左大概10分钟，终于个助产士过来理我啦，帮我按肚排血同缝针。然后有个工作人员会抱BB过来比你睇下，我见到BB个屎忽度好大笃胎便....个工作人员问，见到咩啊？我记得我仲好大声咁答佢,“好大笃屎啊~~”当然，梗系又比工作人员话啦“系叫你睇BB男仔定女仔啊！”晕，唔讲清楚D....
       跟住落来，就到缝针啦，佢话缝三层。缝里面既时候，痛苦还能忍受到，到左缝最外层既时候，哇，好痛！生仔既时候都无痛到叫，但系缝最外层既时候，痛到我又叫又动，于是乎，等到既当然系比人闹啦！既然唔比叫，咁唯有同个助产士讲野，谂住分散下注意力啦，点知，又比个助产士闹！！！！“做乜你生完之后咁唔合作噶！唔好吵住我啦，唔好同我讲野住啦，搞到我分心，缝得唔好对你以后唔好噶咋!" 顶....叫又唔得，郁又唔得，讲野又唔得，咁人痛就肯定会缩噶啦，自然反映来噶嘛....忍啊忍，忍啊忍，大概缝左20分钟，终于，都搞掂晒了，最后缝针既过程，都完了，解放了~~~成个人松晒！瞓系度观察既时候，望下个钟，已经凌晨5点啦。呼，原来生BB都好快可以搞掂，又痛开始到BB生左出来，都系3个多小时既时间。BB女4点几出生，6.5斤，同37周既时候B超测既体重（6.4斤）好接近。
       呢个女女，真系贴心啦，呢头叫佢唔好浪费妈咪产假，呢头就自己申请出世啦，仲咁快出来同我地见面，等妈咪唔使受咁多苦~~~虽然最后唔肯喊，要妈咪担心左一下，不过最后都系顺顺利利咁出世。跟住落来，就系要自己瞓系产房度2个钟左右，观察出血情况。好无聊既两个钟，睇唔到BB，又唔比拿手机入来，我只能系度同隔离床仲生紧既妈妈打气，等佢宫缩间隔既时候同佢倾计，唔知有无影响佢休息呢，嘻嘻~~~
       大产房D工作人员真系好忙，好多时候都唔得闲理你的。打左无痛，中间过程真系轻松左好多，而且到最后可以生既时候，其实一样都系可以感受到宫缩既感觉的。事后我老公话，BB出世后一个钟，D工作人员先出去同佢地报喜的~！

clevergirl0701

（二）住院篇       系大产房观察完2个钟之后，就会有人送你去病房。唔知喺米因为床位紧张，都无人问我住2人间定系3人间，就直接比人送佐去间3人间的房了。感觉系由2人房加床变成3人房的，显得比较窄，不过还好，有空调，有洗手间，而且系母婴同室的，基本上你BB出世后如果唔需要转去新生儿科，就会一直系妈妈身边了。
       由于我喺打无痛既，所以要插24小时既尿管，如果唔系就可以当天试下落床啦。呢d既护士虽然个个都好忙，你按钟都要等一等先可以有人来理你的，不过大部分既护士都好好人，好温柔的。医院每日既10点半到中午1点，下午4点半到晚上9点喺探病时间，早上8点前会清场，所以如果家属自己拿早餐过来的话，最好就7点左右拿到医院啦，7点45分护士开始叫人走的了，8点要清好场的。晚上可以留一个家属系度陪夜的，最好唔好留好人家吧，因为只有一张椅，大人坐一晚的都已经好辛苦了，何况大人。我住院既两晚都系我老公留底陪夜的，第二晚直头我老公上来瞓半边床了。
       自己喂唔到人奶，会有护士来指导你，如果BB仲系食唔到人奶，可以推出去护士站比护士喂牛奶，护士会提醒你隔几耐要再喂奶的。你自己唔识换尿片的话，都可以推出去护士站比护士搞掂。每天的早上，系BB冲凉或者游水既时间，第一日会有护士来问你要唔要同BB游水既，35蚊一次，一日游一次，不过个游水圈同护脐贴都要自己买，小卖部70还是78蚊一套，感觉有d贵~护士会来帮你消毒伤口，一日两次，喺喷剂来的，你出院后，会俾翻你用开既果支药你翻屋企自己继续喷的。
       顺产一般住两晚，无咩事医生就可以比你出院了，出院既时候会同你讲埋之后点翻去复诊啊，同BB冲凉既时候点帮佢护理个脐带啦，点办相关既证件啦之类既，所以最好到时你老公或者相对年轻既屋企人帮你去听，因为自己去的话，坐太耐伤口又痛，都无咩耐性听的，老人家去，又记唔到d咩。
       我住佐两晚，第三日白天出院的，医院一般会安排你早上10点钟左右出院，好等佢下午安排床位。
       下面呢个系我生BB的费用，顺产+无痛分娩，只系大人的，BB的费用系分开的

lengyuemeigui

不是吧，那么晚的时间，而且好像只有你一个产妇，应该不忙啊，怎么助产士这么慢不经心的样子啊

2楼的牛丫

恭喜楼主！好希望到时候自己又咁顺利

clevergirl0701

回复 lengyuemeigui 的帖子

当晚很多产妇的，我那间大产房都已经3个了，一个大产房就3个产床。医院的人说，基本上晚上是最多产妇入院的....我估计里面应该有几个这样的大产房的，因为听我老公说，我进去后，一直都有产妇被推进去的

carrot_baby

你真是一个很有趣又很幸运的妈妈
希望到我噶时候都系甘！
多谢你的分享啊

jieyiwu

侧切咁痛，我都唔敢顺产啊

clevergirl0701

回复 jieyiwu 的帖子

侧切其实唔系好痛的，痛既系缝针缝到最外层既时候，不过顺产会恢复得快d，生完即刻就可以食野了，剖腹的话，头6个小时还不可以喝水，一直要喝粥喝到放屁为止先可以食饭的~~

bluecat0272

坐等住院和被逼住院篇。。。。
好希望我到时都可以咁顺利的顺产啊。。。。

bluecat0272

坐等住院和被逼住院篇。。。。
好希望我到时都可以咁顺利的顺产啊。。。。

珍珠木子^ō^

貌似破水的宫口都开得比较快呢，催催我的宝宝快点出来啦

vsugar

我家小B18号的预产期，点解依家仲未有动静！！！

ellato

回复 clevergirl0701 的帖子

如果我顺产，我都打无痛，唔系点顶啊？

勤劳的大头妹

我想我老公陪产啊~点解无的陪既

晓-多多

我好惊我生噶时候D医生同助产士都对我不理不睬或凶巴巴的！甘样我噶心里肯定好难受！

clevergirl0701

回复 珍珠木子^ō^ 的帖子

但是破水比较危险啊，要是水流得比较快，BB很容易缺氧的....

clevergirl0701

回复 vsugar 的帖子

多d同佢讲嘢啦，可能你BB淡定啊

clevergirl0701

回复 ellato 的帖子

不过当时产房入面有个刚入来的妈妈，佢打完无痛，都好似一直系度叫痛咁，仲听到佢不停咁问d姑娘，点解打完仲咁痛

clevergirl0701

回复 晓-多多 的帖子

无办法噶啦，忍忍啦...除非你好彩遇到个好好既助产士