- 精华
- 15
- 帖子
- 4101
- 经验值
- 37626
- 注册时间
- 2011-7-29
- 妈币
- 38527
- 帖子
- 4101
- 经验值
- 37626
- 注册时间
- 2011-7-29
-
♦♦
-
妈妈网轻聊 给生活加点料
-
♦♦
-
妈妈网孕育 就是好用
-
♦♦
-
广州妈妈网 广州妈妈网,更懂广州妈妈
|
本帖最后由 看灰机 于 2012-1-29 18:18 编辑
之前写佐个年29去大笪地买挥春贴(http://www.gzmama.com/thread-2838809-1-1.html ),本来想写埋个花街噶,因为系同一日去行,点知上图上唔到,之后过年一直无时间再写,唯有衣家趁翻工偷下懒,继续写花街报告,虽然到年初七先讲花街好迟,不过我见妈网好多人无系广州过年,可能行唔到花街,就整出黎备大家睇睇咯!
年29最后一日先行花街,都无办法,鬼叫公司年前一日先放工咩!唯有一日堆埋所有野买年货、行花街、食年夜饭之类噶一起做咯,真系少D精力都唔得,仲辛苦过上班啊!衣家广州花街好多卖工艺品,但系我仲系坚持系花街买D花去啊爷啊麻屋企,等老人家睇到D鲜花开心下,新年先有气氛!
话说果日我去完大笪地,匆匆忙忙食佐野就赶去西湖路行花街,我地系广百新翼果边行入去。西湖路不愧系广州最多人嘅花市啊,下午都人山人海,虽然天气冻又落毛毛雨大家D热情都系咁高涨啊!
呢个系花街口的花饰,我觉得麻麻地,无上年咁靓!
-
睇下大家几热情,担遮都要行花街!搞到我影相要左避右避,所以相片质量好低,大家见谅下~
-
呢边一入去都系卖工艺品,我中意呢种吉仔风车,我即刻走去问价。大吉大利卖38蚊,桃花风车卖48蚊,同上年一样价,不过帮衬嘅人唔多,可能上年已经见过了,唔够新鲜!
-
行下行下,就见到呢种可以摆好耐嘅吉仔+五代同堂,因为系公仔黎噶~都系68蚊,不过我家那位嫌贵,我这个年纪买好似有D弱智,所以唯有作罢。个卖野嘅哥哥仔好好人,唔买都任我影,超级好!
-
终于见到卖花嘅店咯!呢各系例牌五代同堂,每盘130蚊。上年我买过,可能因为D花农扎到D五代同堂好紧,所以买佐翻屋企都摆无耐,两三日后就黑佐,摆唔耐!
-
转弯去教育路果边,系第一档就见到好多人围住,我以为有咩靓花,即刻逼过去睇!原来系呢个新品种“好运果、好彩头”,其实就系萝卜黎噶~不过睇嘅人多,买嘅人超级少。
-
呢种台湾海棠花好靓,我买佐D翻自己屋企摆!
-
呢棵桃花颜色好靓,系粉色白色相间,本来我都想买棵细细地翻屋企摆,点知一问价380蚊,我觉得太贵了,所以就走佐。
-
唔知唔觉就收获佐唔少年花,后尾见到呢D咁大棵球菊,直径有成20cm咁大,好靓,老板好好人,卖5蚊朵,但系备我拣好耐,仲系里面专登拿D靓货出黎,睇到隔离个婆婆好鬼羡慕,真系抵赞!
-
后尾越拿越多花,就无手影相了,最后系阿爷屋企黎张大合照!
球菊5蚊,鸡冠花5蚊,百合15蚊两支,每支有3个花lun,仲有D拌花一共15蚊,老人家屋企嘅年花系花街45蚊搞掂!
-
好多人都话花街多人或者D野好贵,但系我觉得行花街系传统,点都唔应该舍弃。而且我觉得都唔系贵好多,毕竟花街热闹,气氛都好好多咯,所以我就算再忙,都会每年去行下花街,感受下新年气氛!
|
|