wewavaio

团了这张票很久了，免得过期，昨晚去对现了，48元的团购套餐有：一个前菜，一个烧物，一个寿司拼盘，两个主食，两杯饮品，另外加多左一个三文鱼刺身46（手机影的，不算清晰）

     前菜：有海藻/泡菜二选一，我拣左海藻，无特别，原价是9元

     烧物：好似有秋刀鱼/三文鱼骨腩/吉列猪排三选一，我拣左三文鱼骨腩。呢个都唔算多骨，几好，不过好肥，有D漏

     寿司拼盘：我开初以为会比D回转上放左好耐的我，心林团购都唔方好，但系上到来，睇落又OK哦，试过之后，其实大部分的都几新鲜，味道唔错。有样野要赞下，就系呢度的寿司握得几好的，饭团的尾部尖的，所以上面的鱼生可以有拖尾的效果，饭又唔会散哦，呢方面几好。
      但系点解系大部分呢，因为有旧蟹柳寿司就好唔掂，干争争，都唔知熟定未熟的，所以无食了

      主食：叉烧拉面/海鲜炒饭/炒乌东三选一，拣左两个都系拉面，唉，呢个拉面就唔掂当了，汤唔够浓，味精水来的，叉烧得两旧，仲要好肥，果两份蛋，开初我以为是一只分开两半，原来系两片，D面仲要未入心的，原价25蚊的话，我就唔会食了。

      饮品：又系三选二，我拒左奶茶和柚子茶，唉，用呢两只杯就觉得好怪了，柚子茶还可以，奶茶无饮过，唔评。本来服务员林住我系团购的，就话如果我唔要茶位就比开水我（呢样几好，唔会强迫茶位），不过我见到呢两杯野，我还是宁愿开两个茶位算了

      加点的三文鱼刺身，特价46蚊，好少吖，仲要好冻吖，食落口除左冻就一D感觉都无


      我开初以为呢间野会无咩人，因为如果唔系日日搭车经过，都唔知有呢间野，但系过左7点后都有几多人来，而且唔系团购的，可能衣家做紧新张特价挂，平时就全部寿司6.8折，每日8点定8点半后就5折，但据我今日食的除了寿司还是可以的外，其它就麻麻了，系我影最后一张相时，就有个靓仔来话“呢度唔比影相”好彩我影晒了

      不过呢间茶位3蚊，居然连纸巾都无，就净系得茶，外面度度都3元有纸巾啦，最后系48团购+46+6（茶位）

      多谢收睇！

坤仔娘

不错哦，我团的是龟磨的，一直没时间去吃。感觉到这个值。

小蚊

我也团了,订了今晚去

小蚊

这间店开张没耐,朋友去过,话超差,我是团左后才知了,
所以一直没去,林住等区有改善才去,

JunLinMaMa

我觉得好奇怪，为什么网上团的基本上都是寿司之类的餐馆呢？

电视猪

这个我也团了，东西分量太少了，我跟我另外一个女生朋友吃完还觉得有点饿。