wujunxian

预产期系31/8，听好多人讲BB出世有迟有早，所以提早休息系好有必要。而且自己都一心以为BB会提早出世，于系早早就向上司请好假，安排哂手头上既工作，17/8正式放假。   
点知，一日又一日过去，眼见自己今年16日年假都过完啦，无任何要生既动静，心急如焚如热锅上的蚂蚁。
足知过左预产期4日，按捺不住既我同屋企人决定去睇医生。我、妈妈同奶奶去到医院，睇开既医生已经挂满，只好挂另外一个，睇左先算！去到诊室，医生一睇我已经40+4就即刻安排我住院啦，咩都无带既我地只好乖乖甘跟住姑娘去办入院手续，稍候再番屋企执野。跟住姑娘跑左一圈，买左生产包、饭卡、交左护理费、押金之后就正式入住妇婴医院既待产区。
待产区里面的病房系四人房来，都系因为唔同原因而需要提早入院既大肚婆。大家都系大肚婆，话题自然多，加上屋企人唔来既时候，四个人起间房度又唔可以出医院，得台电视起房，唔讲吓野真系人都癲，尤其自己估都估唔到会住甘多日，好彩有老公又买书又买报纸比我睇，等我可以打发下时间。因为入院既时候系星期五，当晚我都无反映，如果星期六日都无作动既话，就要等到星期一医生上班查房至可以决定系开刀定点做。而我就真系注定要住多几日至得，星期六日老公攞埋电脑来医院陪我睇左两日电影～～真系辛苦哂啦！
妈妈同奶奶都一样辛苦，轮流攞饭攞汤来比我，但系次次来都见我好生猛甘起医院行来行去，一点想生既感觉都无，BB起我既肥肚肚度住得太舒服啦，唔想出来住。原先希望距赶起31/8出世，甘就唔使推迟一年读书，点知呢架唔得啦，甘又开始怕距1/9-3/9出世，因为系农历既七月盂兰节，感觉上唔系甘好，自己因为担心呢样野都喊左几次，呢架谂番都觉得好无谓。最后盂兰节过左都未有反映，我都唔知该开心定担心好。担心BB起肚里面太耐，会胎盘老公而缺氧。
7/9星期一，终于等到主诊医生番工，他带住四个实习医生逐一查房。轮到我时，医生望完我份产检记录就同我讲：“你已经系41周+1，你既宫颈条件好唔理想，我地建议今日同你进行催产，如果唔系胎盘会老化，BB起里面就会好危险。有两个方法，一系就人工破水，但系宫颈条件唔好既话，BB就好难出到来，有可能会窒息。一系就香港博爱医生既做法，用药放入子宫，加速你既宫缩，之后生产，甘样会比较安全，七成产妇用过都有效。（当时心谂点解要重点去提系香港博爱医院，甘样会响D既咩？）你考虑吓，等阵再复我。”医生讲完一大轮都无停顿，听完我要再谂番一阵至可以复述番出来。之后拉拉啉打电话比老公、妈妈问拣边种方法好？其实都系得个问，D医学上既知识，我地又点会识，不过听口气就觉得医生希望我用药（事后我觉得医生推荐既原因有部分系因为只药好贵，而且要自费～～）。Anyway ,我都系决定用药，等自己安心D，而且唔想再等落去。
于是，7/9 2：30PM医生来同我用药，初时以为放好细粒药落子宫，应该唔系好痛，点知原来系好大一粒好似圆锥甘既野，然后仲有条线LENG住，医生就甘用手塞入去，痛到我标眼泪。用完药我起身去厕所都觉得怪怪地甘，5旧几水放左落去，痛都无办法，最紧要有效嗟，静观其变咯唯有。抓紧时间洗头冲凉……过左一个钟都无，医生就同我将药攞番出来，等我仲以为要等到我阵痛先攞添。
6：00PM左右，妈妈带饭来比我。吃吃吓觉得好似有D反映啦，个肚冤痛冤痛甘，而且越来越痛，想唔训起度都唔得啦。BB终于要出来啦～

杨不悔

沙发了，哈哈，等LZ大作，多多总结帮更多的姐妹

爱的开始

路过```看看```

cindy8277

BB不愿意出来也是个问题啊。楼主，你是顺产？市妇婴有冲凉房吗？住院怎么洗澡啊？我现在34周了，准备也在这里生哦，老是担心会早产。

宝宝的家家

帮顶。

beebee的妈妈

继续啦

wujunxian

生产记（二）
剧烈既阵痛一下接一下甘来，本身起冷气房汗都无滴既我开始痛到标冷汗。之前起网站睇好多人地写既生产经验，知道呢D痛只系“前菜”，如果呢架就唉哂救命既话只会浪费力气，只好不停甘哈气，左手用力捉住老公，右手死捉住D床单被单死忍。话明阵痛，当然系一阵阵甘痛啦，甘起唔痛既时候我米抓紧时间透大气同埋讲多D野分散吓注意力咯。护士见我痛既时间越来越密，就罗左台胎监机来，一边做胎监、吸氧气一边等宫口开。平时吸氧气觉得好好架，但系当自己痛到阿妈都唔认得既时候，仲要比人起个鼻到插条管，就认真唔舒服同难受，于是我就好嬲甘MENG左距，后尾护士来见到就闹我，话我甘样会好容易搞到肚里面既BB缺氧。吓到我即刻带番住条氧气管！
检查宫口开左几指系一样劲恐怖既检查来，唔知护士系放左成只手定系几只手指入去，反正距来检我一次我就痛到喊一次，以为已经开左啦，但系个答案仲系未开，要继续等！
6：00PM痛到9：00PM，痛到顶唔顺既我急CALL护士，来到检查后终于宣布开左三指，可以推去8楼产房，于是叫我老公帮我执齐所有野，同时叫我落床行出去，等护工用车推我上楼，等我仲以为可以训起床到等人搬我过床甘上楼添，点知仲要自己行。唉～～
以为一上去就入产室生得，点知唔系，去到换上医院既拖鞋入去待产室继续等宫口开，待产室分开一个个间隔，好似我呢D宫口开左D既或者其他生得既大肚婆都会来到呢度，里面允许一个亲人陪伴，训落床之后阵痛又稳上门，护士又来同我做胎监、吸氧、阴检。上到来既痛比之前又加强左，就系好似好急好急大大，但系又唔可以用力疴出来甘，好似有好多野要由个肚度涌出来，而自己要不停甘哈气同深呼吸将距压番落来。好彩依然有老公起我身边比我捉住手一路鼓励我，同我不停甘讲野。（我D指甲不知WHERE左距几多次，后尾生完距SHOW比我睇至知，真系都几触目惊心，手背花哂）
12：00PM开左五指可以入产房，我要左间家化产房，加300元可以有老公一路陪住我生，未生之前我仲口响响唔使老公陪，一个人搞掂。呢架谂番，好彩当时护士问老公入唔入去陪生既时候，老公同意陪咋，米先得我一个人孤零零作战，后果我觉得系不堪设想咯。
所谓既家化产房，就系一个人包左一家房来生，唔使几个大肚婆起间大室到一齐哎一齐生。呢D钱我觉得一定要比，唔使痛到死去活来既时候，耳边仲听到其他大肚婆既痛苦声。另外，老公系我精神支柱，更加要陪起我身边。事后问距有无阴影，距话无，之前都睇过电视啦，反而担心我一个人顶唔顺，见到我最后用力过一下，以为我会爆血管！
入到产房，我艰难甘训上产床，右手死死甘捉住老公，等待最后冲刺……

wujunxian

   

原帖由 cindy8277 于 2009-9-17 15:39 发表
BB不愿意出来也是个问题啊。楼主，你是顺产？市妇婴有冲凉房吗？住院怎么洗澡啊？我现在34周了，准备也在这里生哦，老是担心会早产。

我系顺产架。市妇婴有冲凉房，生完既话你如果要双人房既话，冲凉房同厕所仲系分开既，而且仲有微波炉。

wujunxian

   

原帖由 小静儿 于 2009-9-17 12:22 发表


呵呵,其实甘早住院待产心情系米会更紧张呢.

紧张又心急咯，尤其是我提早左两个星期休假，日盼夜盼甘～～

距系都唔出来，身边既朋友同事亲戚日日都问我生左未，真系前所未有既大压力吖。

Ihouse

LZ继续直播啊……好伟大！！！！！

最爱棒棒糖

我也是准备在那里生啊！现在是32周！好紧张啊！！~~好想顺产，又好害怕！！
我想问下LZ你们有没给医生红包的？

vernity

LZ继续，不知市妇幼顺产用的什么缝合线，以前看过贴子用不用拆的线好多人会排斥，仲痛苦过拆线

vernity

另外要多赞下你老公，淡定，好少能做得到

angel83018

LZ 继续直播阿~~~~好好奇~~我也打算在市妇幼生BB ~~~~LZ 你是看那个医生的阿？？？

wujunxian

   

原帖由 最爱棒棒糖 于 2009-9-18 10:19 发表
我也是准备在那里生啊！现在是32周！好紧张啊！！~~好想顺产，又好害怕！！
我想问下LZ你们有没给医生红包的？

由头到尾都无比过，都系甘过来。

医院唔比收架。

wujunxian

   

原帖由 vernity 于 2009-9-18 10:26 发表
LZ继续，不知市妇幼顺产用的什么缝合线，以前看过贴子用不用拆的线好多人会排斥，仲痛苦过拆线

呢架用美容线，唔使拆架！

缝针都几痛架，因为D麻药好快无效。之后我都痛左成个星期至坐到起身。

wujunxian

   

原帖由 angel83018 于 2009-9-18 11:06 发表
LZ 继续直播阿~~~~好好奇~~我也打算在市妇幼生BB ~~~~LZ 你是看那个医生的阿？？？

我睇卢医生咯。距唔睇门诊既时候就系起待产区同做手术，呢个我都系住左院至知。原先以为跨唔睇门诊既时候系休息。

wujunxian

生产记（三）
护士姐姐开始摆阵，首先起我左手到吊针，具体系吊D咩针已经唔记得，反正我归类为保命针，呢D针比我地平时发烧感冒吊既针要粗，所以个针口我出院两个星期仲有个印起手背到。跟住又起我右手到抽血，好似抽左好大支。反正呢两野扎起痛不欲生既我身上简直系伤口撒盐咯。我要用力抓紧拳头来运气忍痛架嘛，架吓一边一针我点用力吖～～唔理啦！！唔通摊大手板用力咩，痛就痛啦•••A？？估唔到阵痛已经凌驾于手上既痛，居然唔觉得手痛啵。
摆完阵，护士同助产士都来啦，又帮我检查宫口。之后助产士同我讲：“你宫口唔正，你向右打侧身，左脚搭去右脚，等BB既头转番正先可以生，呢架你唔可以用力，如果用力你会大出血架。……”天吖～～比个雷我啦唔该，痛到甘仲要练“瑜伽”？！
为左BB，咩要求我都会接受，但系我起产床上保持呢种打侧身兼且左脚搭右脚既姿势足足成个钟，期间所有医护人员出哂去同其他人接生，成间房得番我同老公起度。又痛又麻痹，姿势又肉酸，另外，冷气机正对住我吹，冻到我两只脚不停甘阵（当时即刻叫老公问护士攞左个摇控关鬼咗佢）。
望住个钟一格一格甘过，点几钟D护士姐姐们至入来，终于宣布生得。之后叫我摆番正个身，两只脚分开放起个托架到，助产士同我讲，佢叫我用力至好用力，之后佢同我人工破膜，一阵我就FEEL到D羊水系甘湧哂出来，跟住起我PETPET度打左支针，话要同我剪开D个宫口，净系FEEL到距同我剪但系打左麻醉一D都唔觉得痛。
最后就叫我用力啦，哇！我等佢呢句好似等左成个世纪甘耐，用力捉实床上面既把手，出尽全力甘生咯，呢个时候助产士又话：“唔好甘大力，细番小小，用中力……”oh no~~~用力都要分大中细，前中后？呢架谂番都觉得费解吖，不过当时居然都可以做到，痛到甘都可以收放自如甘用力，真系比个GOOD自己吖。
助产士：“用力……再用力……”
￥＃％￥％……％—…………—×％＃％……％ 吖～～～～～～～～～～～～～
搞掂，咩感觉？松哂，咩叫真正既轻松，生过就知啦，最后再用力将个胎盘生埋出来，大功告成，个肚当堂舒服哂！简直想跳落床爽番两野～～
助产士即刻抱起BB问我仔定女，可惜我D汗水已经遮住哂我D视力，净系听到老公话女，我米话系女咯。老公得偿所愿啦，你睇吓老婆系几辛苦？何其伟大！如有下世，我娶你，等你都试下同我生番个BB：）
之后护士帮BB做清理工作，我呢就训起床度等护士同我做埋D手尾（主要系清瘀血、同缝针）。
BB，你终于来到呢个世界啦！！欢迎吖～～DEDI&MAMI发誓永远爱你：）！

wujunxian