呢位rhondalam小姐，咁我又想问返你几个问题先~ 你问“呢度有幾多個唔係為o左香港o既福利所以先去香港生? 而家香港就係俾你地呢班貪心o既人攪到亂晒大龍.” 咁我又想问下你，你点知呢度全部人都係为咗落香港攞果小小福利先落去生先？你诂个个都为咗落一个月鸡碎咁多综缓先落去香港生？你知唔知非本地户口要係广州读间小学要俾几多钱？分分钟多过你果一千几百蚊，咪以为个个好似你想象得咁贪心，讲到贪心嘅人度度都有，香港何尝唔係N多人係度呃紧综缓过活？点解你唔要求赶晒果班人出香港？ 你又问“o黎生霸晒我地d床位不特只. 仲要生完個有問題o既BB就擺低俾香港政府執手尾. 仲有好多個, 衰到竟然o係火車, 入境大堂度生. 諗住連入院費都慳返. 真係面皮尺幾厚. 仲有好多數之不盡o既衰o野. 真係講幾日都講唔完.” 咩叫霸晒你地D床位？香港公立医院写明唔接收外地大肚婆？冇吖嘛，咁你咁多声气做乜？有本事自己开间医院，唔好收大陆大肚婆，自己一个人住晒成间医院。如果你冇咁嘅能力，你只可以接受。另外，你诂个个想係条街到生仔架？你诂人地唔想等到入医院先生咩，但BB要出世，唔係做阿妈嘅可以控制到架。你咁叻忍够三年先俾你自己个BB出世吖嘛，三年后应该立咗法架啦，到时可能冇咁多大肚婆同你争床位架啦，你慢慢忍，忍到2009年先好俾个BB出世吖。仲有，弃婴唔一定全部都係大陆孕妇留低係香港架，你敢话无大陆大肚婆落嚟嘅时候，香港无弃婴？无弃婴你地又开咁多孤儿院？我唔否认有人因为BB本身有问题而遗弃咗，但呢个情况係任何地方都可能发生。係广州，亦都有好多外地大肚婆掉低个B走咗佬，咁我地可以点？赶晒D外省人出广州？唔俾佢地係医院生仔？呢个係解决问题嘅根本方法咩？ 你话“唔好以為有俾錢就大晒, 你地3萬幾蚊生一個仔, 我地將來就要補貼返過百萬俾你地. 呢d錢o係邊度o黎? 咪香港納稅人個銀包到o黎o羅. 你地對香港有冇貢獻過?你地都都幾識計數. ” 无人话过有钱大晒，同理可得，你每个月交果DD咁多税亦唔係大晒架。你有咩资格去指责大部分按正常手续落去生仔嘅大肚婆先？人地无欠你医院钱，无要求你养佢地个B，难道个个谂住自己第时个仔要攞综缓过活？如果係，我谂大部分人宁愿唔生。而家落去生嘅好多大肚婆，都係因为想生二胎先落去，要你养咩？话明要係你香港读书了咩？钱就识收，收完人地钱就唱人，香港人果然素质好高吖。讲到对香港有贡献，你诂而家嘅香港仲係以前吖？开放咗自由行之后，你地嘅生活先好过D咋，呢D咪係贡献咯。而家分分钟你做紧嘅嘢都係靠我地落去消费嚟撑住架咋。真係谂唔明，钱就识叫我地落去洗，生仔又唔係免费，又要话人地霸住你张床。咁叻叫政府取消自由行，唔好揾大陆人嘅钱，自力更生吖嘛。睇下到时候香港变成咩样。讲到计数又真係唔够你叻吖，计住人地点落嚟俾钱你洗，自己一D付出都冇，你条数又计得几精啵。 你话“你地唔o黎生就天下太平喇. o甘有錢咪去美國生o羅, 駛鬼o黎香港生呀?” 而家有怨言嘅唔係我地，係你咋啵，咁点解你唔去美国生吖？讲到尾就係本身呢个政策问题，政策允许，几时轮到你阿吱阿咗。唔好唔记得，香港一早俾中国收返架啦，咪成日以为自己高人一等，有本事你一早係九七前移民咗去外国啦，洗係香港捱？既然大家都係中国人，就唔好分咩香港广州大陆。 PS：我冇谂过要落香港生，复呢张帖只不过係因为睇唔惯某D自以为有道理嘅香港人係度讲埋晒D咁冇口德嘅嘢，睇唔过眼先讲嘅遮。请某D香港人自重，你自己衰好啦，唔好影衰晒香港人係其它人心目中嘅形象！人必自辱而后人辱之~！
| 
发表于 2006-12-15 15:58
，严重鄙视
请教各位JM们：我的户口在北京，老公在香港，现在我工作在广州，我是该在广州生BB还是去香港呢？回北京太不方便了，可是去香港现在制度好像很不利，我该怎么办啊？
abcdabcd:
