我系多多

第一次，真真正正同个仔去海滩，好兴奋啊~~不过回来后，相继病倒了。。。。所以拖到现在先上传图片。

上年去过几次沙扒湾了，觉得唔错，次次去D水都好清，好靓，唔见有前人所讲嘅成海垃圾嘅现象，所以一直想等个仔大少少就同佢一齐去，终于成行了，好开心。。。可惜今次去到，撞啱退潮，海水好浊，兼劲多垃圾。。。。严重失色啊！！本来有打算去月亮湾的，但车上，导游不断讲月亮湾浪大，不宜还小孩去，两老出于对小家伙嘅关心，就否决左我嘅月亮湾提议了，因此亦使本次旅途增添左少少遗憾。。。。

今次系跟广之旅去嘅，特价99蚊/人，小朋友嘅10%嘅保险费，成人费用包含：来回车程，一晚住宿同一次沙扒湾门票（15个大洋），住环城路嘅新民居（离梅姨大排档好近，两三分钟就到了。相信去过嘅朋友都知道，从梅姨大排档到沙滩嘅距离了）。其实出发之前，对比左几间旅行社：南湖，最平都要百几蚊，第一个否决佢啦；金马，89蚊，但系近市场，离沙滩稍远嘅民居，小朋友仲要收20蚊/位，第二个否决佢；假日通，同金马同一档次的，比金马平10蚊，即系79蚊，如果离沙滩稍远的新民居就要89蚊，唔记得小朋友要点收费了（以上三间嘅价格均唔包沙滩门票），计过条数，广之旅包埋一次门票，觉得都系佢抵D。最后证明我嘅选择系无错嘅！

全程，自己吃，都OK嘅，当地嘅海鲜的确系平靓正，今次主要系梅姨度吃，觉得称头足，又实惠D兼且就脚，不过老实讲，味道就一般般了。系超记吃左一餐，觉得无上年咁好，但味道好过梅姨。

好，废话少讲，上图啦！！~~

我系多多

我系多多

第一餐，超记解决。油菜10蚊；一斤花虾（细九节虾），好似系35吧。。。；炒圣子，18蚊/例；至正嘅墨鱼饼，25蚊；蒸带子，5蚊/只，埋单好似TOTAL120几吧。。。。系沙扒湾吃贝壳类有一点好好，就系炒出黎，唔会系得番一碟壳，真系有番咁多肉系度！！（讨厌嘅妈网，何解有一张图成日上唔到嘎。。。。）

我系多多

我系多多

晚上，去左梅姨吃，都OK，D濑尿虾好正啊！！炒花甲，15蚊/两斤；椒盐小濑尿虾，好似25蚊斤，味道一般，但佢D虾，走油唔会好犀利，所以吃起来口感唔错；好正嘅海胆炒饭，50蚊/例；炒肉蟹，好似38蚊/斤；油菜9蚊，未完，待续。。。。（咦餐好似吃左180几蚊，斋个海胆饭都50蚊了）

我系多多

真顶瘾，只俾我上传一张。。。。唉，继续讲解吧，成日筷子咁长嘅濑尿虾啊，我嘅至爱！！唔记得35定38蚊/斤了

我系多多

终于上传到了！！！咦度一斤，有8只，绝对嘅足称啊！！

我系多多

丰盛嘅早餐，蠔仔煎蛋，15蚊；猪肠碌，5蚊，觉得咦次吃就一般了；章鱼粥，5蚊，麻麻地；小蟹粥，5蚊，料足，但味道一般；最正嘅系皮蛋蠔仔粥！！都系5蚊，超好味

我系多多

哈哈，系当地不得不吃嘅炸蕃薯，咦档唔系最好吃的。。。不过份量就好OK（咦档10蚊/份，有D升到12-15蚊了）

我系多多

系当地嘅最后一餐，开始吃到“制”了。。。。本来无谂住点濑尿虾的，但吃吃下，见到佢新鲜返黎左大大只嘅虾虾，唉。。。。又忍唔住，点左几只。。。。正到无朋友啦！！最后一图为杂鱼汤，好鲜味。。。（咦餐好似140左右）

我系多多

系统原因，只能分开传啦。。。梅姨嘅九节虾仔同鲜鱿炒鲜笋。。。

终于上传晒了。。。。END，88

驼绒背心

正到无朋友

以为入左美食版

tjxamy

正啊！口水都流出来了。

doff0955

好东东。支持

黄豆豆和小猪猪

看到流口水啊！

嬴妈

我都好喜欢沙爬湾，那里的海鲜便靓正。去年也是跟广之旅，住海天海景房，玩的很开心。

小晞妈

沙扒那边大街上有人炒番薯的，超好吃的说！

肥版傻猫

LZ住民居条件怎样？有没空调的？干净吗？

广州喜迎门设计

好吸引人的海鲜大餐啊，流口水了

小小云妹妹

近沙滩会比较嘈啊，晚上好多人玩烟火的，暑假会去，哈哈！