- 精华
- 0
- 帖子
- 190
- 经验值
- 1182
- 注册时间
- 2012-2-3
- 妈币
- 1723
 
- 帖子
- 190
- 经验值
- 1182
- 注册时间
- 2012-2-3
-
♦♦
-
妈妈网轻聊
给生活加点料
-
♦♦
-
妈妈网孕育
就是好用
-
♦♦
-
广州妈妈网
广州妈妈网，更懂广州妈妈
|
本帖最后由 joey_025 于 2014-8-1 17:44 编辑
估唔到置顶了~~~希望对大家有帮助，有疑问可以问我，非常乐意回答！！
快到Twins两岁生日啦，睇住佢哋可以健康咁成长，生佢哋嗰日嘅痛苦换来系值得嘅！趁今日有兴致，就将生产记写低，第日可以回味吓：
我住嘅地方距离解放军421最近，有咗嘅时候就睇妈网话佢嗰度嘅4维彩超好，所以淋4维都可以啦，检查同生就一于嗰度啦！当然，定点之前我有了解过呢间医院嘅检查同住院信息，而且有睇过其他妈妈喺421嘅生产记，总嘅来讲军医我觉得OK（识我嘅朋友都知道我系一个怕麻烦，决定做就唔会后悔嘅人）！
由于怀孕嘅过程中经历咗好多唔开心嘅事，所以体重一直上唔到，到生嗰日都系得128，要知道我系一个略肥嘅人，有之前都96左右啦，何况陀住两个B！所以产检嘅时候一直俾医生话， 但系冇办法，我都好无奈。
预产期系9月17日，当我35周（8月中旬）检查嘅时候，医生可能太忙，唔记得我系孖宝，所以同我讲36周再来检查，我提咗佢，但佢都系话再睇睇。双胎嘅妈妈应该都知道，双胎妊娠系36周就足月，我冇可能唔知噶，所以我问佢可唔可以提早入院，佢当时叫我自己去住院部了解吓，所以我就走咗去住院部，护士同我讲可以，而且预约咗之后俾咗个电话NO.我咨询。
我屋企人系有宗教信仰嘅（佛教），所以生BB嘅日期、时间都问过晒（因为我两个，所以一早预咗剖腹噶啦），原以为预产期系9月中就过咗农历7月（大家都知农历7月系咩噶啦），所以计算嘅都系9月中入院嘅时间，后来双胎，估计会提前一个月，当时知道避唔过农历7月，希望唔好撞正，拣翻个好日子，又去问多咗一次，就吓老人家咯，反正又冇坏嘅，老人家又唔怕麻烦，又可以安心D，一家便宜两家着。
到咗8月20号，啱啱36周啦。唔知点解左边抽住抽住咁，唔规律，有D痛，以为系抽筋（后来先知道呢D叫宫缩），所以冇点理。仲发现对脚开始肿啦，听有经验嘅朋友讲过，三肿三消就遮系准备生得，我当时就估计——应该差唔多系时候啦！同妈咪商量，睇过D时间，22.23.25号都可以，不如就听日就入院待产啦。但当时我嘅待产包都喺老公嗰边，所以淋住再过多两日先。
8月22号，中午同屋企人饮茶，去洗手间过程中发觉有D粉红色分泌物，当时淋，唔系见红吖嘛！怕唔对路，因为嗰两晚左边都有抽住抽住痛，所以打咗电话去421，问有冇单人房，你知啦，龙年多人生BB，好彩我嗰间少D人，但都系冇单人房，冇计啦，稳阵D都系第二日即刻入院待产算啦。
8月23号，上午11点去到医院住院，一上电梯到妇产科就见到我之前睇开嘅主诊医生——陈宁。话说我系钟意从一而终嘅人，本来第一次安排我睇呢个医生，我就淋住到生嗰日都系睇呢个医生噶啦，点知421系妇产科门诊同住院分开，陈医生过去门诊几个月就调翻去住院部啦，今次见翻第一时间打招呼，佢问咗我大概，睇咗我本病历，就同我讲要今日开刀啦！哇~~~~~~~~当时嘅心情简直唔知用咩来形容啊！惊？兴奋？
BB喺肚入面吸多日营养都好过拿出来，但陈医生同我解释因为我系双胎，仲要有宫缩了，再唔拿出来会有危险。反正都要面对噶啦，潇洒D啦！但~~~~~姐从昨晚8点过后就冇食过任何嘢啦！淋住办理完入院手续就去麦当劳食个早~~点知被通知做手术，到开刀后12个钟都唔可以再食嘢~~~~~我勒你个去！ 庆幸嘅系，啱啱有个单人房腾出来啦，心入面都保留一丝安慰......
办理好入院手续，老公同妈咪去食嘢，陈医生就同我做一次B超确认BB位置，方便做手术，更开心嘅系陈医生做主刀，定晒！佢同我讲下午3点手术，但我哋问嘅时间系要5点以后，最终讲服医生，4点准备，5点就差唔多啦！真系非常感激！！！翻到房间，当然就系先冲个凉洗个头，之后都唔知几时再洗咯。容许我讲吓房间，独立厕所，有两张床，家人可以喺度训。
搞掂晒，有个后生D嘅医生就叫我哋去办公室，同我哋讲解咗手术嘅事项同风险，问我哋胎盘点处理，我拿翻，之后就系签字确认。准时4点入待产室，屋企人系冇得入去嘅，观察一阵，换好衫就推出来搭电梯上多一层，由推出来到上电梯，老公、妈咪同奶奶都喺隔离，都系讲“平常心”“冇事嘅”等等鼓励说话，都冇咩嘅，但当真系推入去手术室嗰一刻，心真系有D惊！
入手术室大概4点半，麻醉师已经喺度等紧，好和蔼嘅一个人，打好点滴后叫我好似只虾咁弯好就帮我打咗麻醉，因为怕痛，一早就话咗要镇痛泵，当时就上埋啦。麻醉生效后就开始插尿管准备开刀。睇过好多生产记，但到自己嘅真正去做呢件事嘅时候感觉就出来啦，白色嘅一间大房，2个医生，1个麻醉师，5.6个护士，蓝色嘅布隔着肚下面嘅位置......当时嘅感觉就系要保持清醒，护士不间断咁过来睇住你，同你讲嘢。
果然5点左右陈医生就开始了，知会咗我之后，我就感觉到肚皮介开，之后就听到”出来一个了，活胎“，听到好细微嘅喊声，隔咗一阵，一个护士就抱来俾我确认，男仔，跟住重复听到啱啱嘅说话，确认，女仔。几个护士就同我讲恭喜晒，龙凤胎，两个都好，记录一个2.02公斤，一个2.04公斤，因为唔够重，所以要送去新生儿科，就推咗出去。安定过后，我以为之后迎接我嘅就系缝针啦，点知因为我之前子宫偏小到双胎撑大咗个子宫，所以大出血！血根本止不住，好在陈医生有先见之明，一早同我商量好预一粒止血嘅进口自费药，落咗药先勉强止住缝针。其实当时感觉唔大，缝针系用明线嘅（需要拆线嗰种，话说陈医生话军医院都系用明线嘅），感觉有线扯住扯住咯，隔着肚嘅嗰块布唔高，所以睇到医生用只血手喺度拿住线喺度缝，跟住就系有D想呕，同肚饿，同护士讲，护士同我讲叫我唔好讲咁多嘢住，之后我就收口啦。
6点左右推出手术室，原以为喺外面就见到三个”可爱的人“，点知得我妈咪，原来老公同奶奶同两个BB去咗新生儿科。妈咪话两个BB好可爱，辛苦了，可能我攰啦，或者系麻药开始过啦，冇咩精神。推到翻房，过床开始痛啦，哇，真系好顶瘾！！！后来有护士过来同我压子宫排恶露，咩叫做生不如死，嗰吓真正领略啦！！护士过来压，加上伤口，唔知点解想晕，之后护士叫陈医生过来，原来大出血仲未止住，子宫唔识自动排恶露，如果再系咁，血谷住喺子宫出唔到来就会有危险，所以再要上多粒药，如果再唔止住就进行下一步，我妈咪话我当时个样系惨白嘅，而我意识到就系一压D血就叭叭声流......到9点钟度，老公喺新生儿科翻来睇我，再帮我压咗一个钟度，慢慢止住咗就过咗呢关啦，当时我已经冇晒意识，就系痛同好口渴，手术后12个钟唔可以饮水食嘢真系好痛苦！后来我老公又走咗去新生儿科，到凌晨先翻，奶奶就冇出现过，我同妈咪都唔知发生咩事。
昏昏沉沉到咗第二日，我先发现有两张病危通知书，原来系我BB嘅，之前咪话我觉得左边宫缩嘅，可能就系我个仔吸咗羊水后顶我（我两个BB系男左女右），出世后引起吸入性肺炎，不能自主呼吸，要上呼吸机。个女就系心肺功能同肠道功能未完善。老公同奶奶喺BB一到新生儿科就未停过到凌晨。总结一句就系早产，双胎，未够重。
当时睇到，两行眼泪就系咁滴，老公安慰叫我安心，点安心？直到而家，我奶奶都仲心有余悸。套佢讲嘅一句话”唔抵噶嘛！“
之后嘅就系我7日嘅住院，就算BB唔可以食，都每日泵奶保持奶量。出院费用万多，自己出1700左右。两个BB慢慢康复，女住15日出院，费用3万几；仔住18日出院，费用4万几，搞好医保两个BB一共报翻4万几。
幸福唔系必然嘅，所以话：BB，我唔求你哋两个大富大贵，只求你哋两个平平安安，健健康康，互助互爱就够了......
喺呢度我要感谢我屋企人——最重要系妈咪、老爹，奶奶、老爷同老公（辛苦了）；感谢陈医生，如果唔系佢坚持嗰日同我开刀，预见我大出血同我用药，可能我嘅处境又唔一样；感谢我嘅朋友开解我，锡我，多谢华姐陪我同妹妹一齐出院，而嗰日仲落大雨！感谢你哋，感恩！
（附上BB细细个嘅相）
|
-
总评分: 经验值 + 150
妈币 + 150
查看全部评分
|
发表于 2014-8-1 06:32
发表于 2014-8-1 08:27
