magicbei

大家好啊！我仔仔都好识计时间，就系我10月23日最后一日上完班，仲要晚上同同事吃完大餐后，返屋企冲完个凉就上床训教啦，大概训到1点（即系10月24日啦）左右急尿起身去厕所，小便完之后觉得唔对路，点解有水继续流出来既，仲要系好多好多水，心谂：死了，穿左羊水！！我即刻返房叫醒老公，自己马上换衫同挪左块最长既夜用卫生巾，着好晒衫即刻同老公挪埋执好既入院袋就起程打车去医院了！PS：我原本系谂住10.24产检叫医生开入院单比我10.25入院咖，仲想约医生10.26帮我剖腹，因为我神早就谂好要剖腹！
1：45到左市一，直接就走去外科大楼4楼，值班姑娘叫我系治疗室入面训住先，然后就入来问情况，我将平时产检果D咩卡咩证都带晒来，所以好快就稳到我既产检病历，PS：平时我地系门诊果D产检病历晚上系会成个柜推返来住院部咖，所以MM们唔使惊稳唔到病历，只要将围产卡果D带好，就OK！护士同我量血压、抽血、听胎心、做胎监，跟住用试纸测试我系米羊水穿左，证实左系之后就问我系米要自己生，我话我要剖腹！跟住距话点解要剖腹，我话我唔想等阵痛，又惊自己唔够力，BB会缺氧，跟住距就帮我阴检（呢个系超级难顶咯，超唔舒服同埋辛苦），距话如果剖腹，依家做手术系无镇痛泵果喔，而且手术完都一样系好痛咖，你考虑清楚未，我话我决定左咖啦，PS：其实呢个时候我仲未有阵痛，我老公系外面帮我办入院手续，然后医生挪一大堆文件比我签名，我老公又要签，终于呢D前奏都搞掂晒了，安排左我入病房，系7人既大房，母婴同室再加陪既家属，起码有21人！
3：30我开始有阵痛，系5分钟一次既宫缩啊，好辛苦啊，我死同护士讲，我好急屎啊！！距话系啊，因为BB胎头下降，所以会急屎咖，又走黎帮我肛检。。。呢下野就无阴检甘难顶，系整完之后会觉得强烈既急屎咯，隔左几分钟，值班医生又走黎阴检啊，我话我要剖腹，唔好再帮我检啦！距话你已经开左2指啦，你系米真系决定手术啦？护士话我宫口开得快，好快生得咖啦，点解唔试下自己生姐，呢个期间都一直做住胎监咖，我见胎心开始慢了，我唔想博，我都曾经动摇想顺产，但见到胎心甘样，我就唔制了，于是医生好似好嬲甘，帮我安排左手术。
5：30左右吧，我就要插尿管准备去手术了，护工黎将我过床推去13楼既手术室，挪张大被包到我一只种甘，去到手术室，我仲系度谂系米好似电视果D甘既呢，其实条走廊系有D似，一间间细房，接我手术既助产士同麻醉师都到左了，我就甘入左手术室等了，成个手术过程有5个人参与，麻醉师系好后生既4眼哥哥，讲野好NICE，我问距点解半夜会无镇痛泵，距话负责镇痛泵果个人未返工，要早上8点先返，TMD如果半夜有大手术点算啊？唯一呢点我觉得唔OK既！距跟住距话，依家我帮你打麻醉啦，打既过程有D痛，最紧要唔好郁，好快既姐，甘我就好听话甘将个身缩成虾米甘，距系我背脊按左几下，就打入去了，其实无乜感觉既，有少少凉凉地，然后我只左脚就有一下既触电感觉，距就问，系米有触电感觉啊，我话系啊，距话甘就岩了，你训平之后就两只脚都无感觉咖啦，我话：哦，甘咖。麻醉完都无5分钟，距就用针来试下我既痛感，个肚系完全无晒感觉，呢刻系最舒服既，助产士铺好晒D布之后，医生就入黎了，又系果个值班好恶既医生，我见距系着无袖既手术袍咖，好似好凶狠甘，哈哈，不过我都无感觉了，任人鱼肉咯！成个手术过程我都好清醒，感觉唔到比人用刀开肚既FEEL，大概10分钟左右，我就听到BB喊声了，一出来就喊，唔使比人打PP，麻醉师问我想要男仔定女仔啊，我话我知道我个系仔来既，哈哈！待续。。。

小女子0106

为左BB健康，坚持顺产

monliang

回复 magicbei 的帖子

哈哈,我的情况同你一样,也是市一,也是凌晨,也是无镇痛泵,也是破腹产,但系我是10月25日的凌晨!~麻醉过后真的很痛!

cwinnie33

宝妈好勇敢啊。不过我还是想坚持顺产，我也是在市一。