- 精华
- 2
- 帖子
- 1070
- 经验值
- 6847
- 注册时间
- 2010-5-10
- 妈币
- 8195
 
- 帖子
- 1070
- 经验值
- 6847
- 注册时间
- 2010-5-10
-
♦♦
-
妈妈网轻聊
给生活加点料
-
♦♦
-
妈妈网孕育
就是好用
-
♦♦
-
广州妈妈网
广州妈妈网，更懂广州妈妈
|
本帖最后由 我系多多 于 2012-5-22 10:18 编辑
跟广之旅出发，路上仲比较顺，9：35左右就到拱北了。前一次去系周一出发的，感觉过澳门时，关口好多人，以为简错日子，所以今次专登简周四过去，谂住会少人D，点知，一望又系成堆人。。。。唉。。。。何解家阵咁多人过澳门嘎。。。。 过关用左大约40-50分钟吧。。。出到关闸，马上冲去对面的百佳，有美素3，不过一人限购2罐，，MOP198/罐，好过无啦。。。同老公一人咩住两罐走人。之后就系关闸附近嘅几间来来望过，都无美素3，其他阶段供货正常。不过谂住BB都大了，屋企仲有存货，如果真系买唔到就断粮都唔紧要。所以就慢条斯理咁慢慢周围行下，系老公嘅带领下（偶是路痴，唔知俾佢带左去边），又去到一间之前买过粉嘅来来，美素各段都好足货，而且无限购，于是又扫左6罐！都系MOP198/罐，不过咦间D货好奇怪，D盖好脆，见到有几罐个盖都裂了，不过个罐身就无事，无花无其他的。
咩住手上10罐，我就宣布停战了。周围HEA下算了。。。。
因为过去之前望过妈网，好多妈妈话澳门过关唔严，所以我今次一D都唔胁，大摇大摆咁过关，但竟然拱北出关时，要全部行李过机！！之前唔使嘎嘛。一般系推车果D先要过，我咩背囊，次次都唔过机嘅。。。。。。不过，好彩安然无恙。嘻嘻~~过关好顺好快啊。。。我6：15先去到关闸，6：35就搞掂晒，出拱北了。
总结：关闸对面有百佳，感觉美素3货源较为充足，系咦间买过几次了，不过之前就唔限购，家阵要限了。另外，成日觉得新苗无货，所以今次无行新苗了。来来好多铺都会有货，就要睇运气了。不过今次觉得真系唔算难买咯！我买果间，我买完6罐，都仲有成十几罐美素3。万宁都系卖198，又系限购，一人3罐；屈银纸就要218，贵20蚊，一样都无货，不过话买6罐就返还100蚊券定乜，因为无货，所以都无点留意。仲有就系感觉屈银纸好多嘢都贵过万宁。。。买嘢真系要货比三家啊~~
关于吃嘅，迟D有心情再上图。。。哈哈
-
-
-
-
上图为大三附近街市三楼的牛杂，30个大洋啊~~
下图为小熊猫嘅辣沙。。。。
-
-
-
池记面店嘅牛杂面同牛腩面，牛杂面用料好足啊。。。味道唔错。。。先MOP16蚊/碗
-
-
-
就系咦度了，营地街市，就系大三巴果边的新苗超市旁边，三楼有好多嘢吃，不过绝非什么好高档，都系一D面家同牛杂店，奶茶铺。。。。另一番风味。。。。胜记嘅红豆冰好抵啊，MOP9蚊咋，好多豆嘎。。。柠檬茶就一般了，咦杯冻柠就要MOP12蚊了。。。
上图完毕~~！！
|
|
发表于 2012-5-4 09:32
