wei_winnie

听日复诊啦，有进一步消息，我会及时更新！！！

yuanyuanlan

我们一齐加油啦!

wei_winnie

   

原帖由 随心1980 于 2010-9-6 15:19 发表
我也是看梁，有时间加Q聊
351024983备注说明白

已经加你啦!!!

wei_winnie

   

原帖由 yuanyuanlan 于 2010-9-7 21:33 发表
我们一齐加油啦!

当然啦!!!  你今日都系睇梁碧燕, 等你好消息!!!

wei_winnie

9月7日复诊回来，由于9月4日黎YJ，兼且痛到我叫晒救命，我一见到梁医生就一“轮”咀讲4号果日系点痛。
梁医生把完脉，睇下我嘅利苔之后：“乜你仲系咁湿？利苔仲好厚”
我：我饮左之前果剂中药已经好左好多，之前利苔仲白啊！系咪我求先饮左豆奶所以无咁？
梁：你肠胃唔系咁好，唔好吃肥腻野
我：我已经吃得好清淡
梁：你上个月吃左补佳乐，估计卵泡都系发育得唔靓，唔好做排卵监测，费事你辛苦
（其实我最钟意梁医生依样野，如果医生重利益，话知病人洗钱，照开单！市妇幼做B超好贵，第一次做阴超要102蚊，第二次开始都要87蚊，况且排卵监测唔系做一次就OK，同烧银纸一样！！）
我：咁我使唔使避孕？
梁：梗系唔洗啦！！
我：我今日系月经第4日，咁第5日开唔可以炖水鱼？网上讲话可以促进卵泡发育
梁：水鱼系滋阴，不过你肠胃唔系咁好，会好滞，如果你觉得无问题就炖黎吃啰，食疗系无问题。

wei_winnie

药方：
布渣叶10g    白术15g   茯苓15g        山药15g    桑寄生15g   
巴戟天15g    仙茅15g    淫羊藿15g   甘草6g
后下药：砂仁6g

wei_winnie

寻日又度复诊嘅时间，通过预约卡，好顺利咁罗到1号筹，早上7点55分，已经成支“军队”咁多人系各诊室门口坐住。我反而施施然然咁入左去梁医生间诊室，系佢张台度放低自己张1号筹就出去等叫名。点知，一行出门口就开始叫名，梁医生好勤力啊，8点未够就开诊！！

wei_winnie

梁医生都系例牌把脉，睇下利苔，睇番之前嘅病历。但今日把脉把左好耐，搞到我以为自己有问题。
佢又问多我一次，系咪吃左1个月补佳乐？
其实依个问题每一次都会问，算啦，梁医生一日睇N个病人，点会记得我啊？
梁：吃左一个月中药，今个月要做排卵监测
我：吓？唔系话我吃左补佳乐，卵泡唔会靓，上次你话叫我唔洗做。
梁：做2次就得啦
我：今日做啊？
梁：唔系，月经第14日，即系17号做啦，到时照完番黎稳我啊。

wei_winnie

壮阳药重现.........

今日药方：
女贞子22g   巴戟天30g    菟丝子15g    仙茅15g       熟地黄15g   
淫羊藿15g    何首乌15g   续断15g       肉苁蓉15g     甘草6g

wei_winnie

今日系睇中医之后第1次嘅排卵监测，上两次复诊果阵，梁医生都有讲过因为我吃左补佳乐嘅原因，卵泡质量应该唔好，所以今个周期以调理为主。好意外咁系上次复诊梁医生要求我做排卵监测。所以我寻晚有D紧张，其实系担心结果唔好。

今日系YJ第14天，内膜厚度：8mm，左侧卵巢有1个卵泡：14X13X14mm

当时一路做B超，已经听到医生讲话卵泡细，一路问我几时YJ，第几日，我心情开始变差。幸好梁医生睇到B超结果后，再对比上个月吃紧补佳乐做嘅排卵监测结果，竟然有赞美嘅声音：今日比起你上次月经第18日嘅监测好好多，希望星期一可以成熟啦！！

突然觉得我每日6点半起身煲中药系值得，终于见到有小小成绩啦！！
我条命注定我系中国人，西药系唔岩我！！

wei_winnie

今日药方：

天冬15g  玉竹15g  北沙参15g   菟丝子15g  女贞子15g  黄精15g  熟地黄15g   甘草6g    续断15g

麦香猪321

支持下你，好有毅力啊。我依家系借工作来逃避。。。

米修BB

你就好啦，食左一个月就好了，我反而没乜效果，寻日梁碧燕仲哎我下个月试下食西药促排添，前路漫漫啊

wei_winnie

   

原帖由 麦香猪321 于 2010-9-17 22:04 发表
支持下你，好有毅力啊。我依家系借工作来逃避。。。

我最近都好忙，渐渐感觉到老爷奶奶嘅无形压力，所以更加要比心机睇好佢！！
你都系啊，加油啊！！！

wei_winnie

   

原帖由 米修BB 于 2010-9-18 22:24 发表
你就好啦，食左一个月就好了，我反而没乜效果，寻日梁碧燕仲哎我下个月试下食西药促排添，前路漫漫啊

我都未好番，只不过系内膜厚度正常番，卵泡仲系偏细！！！

wei_winnie

今日系月经17日，梁医生安排左第2次排卵监测：
内膜厚度：9mm，左侧卵巢有1个卵泡：16X15X15mm

梁医生唯一嘅评语就系：好圆啦，就系细左小小。

梁：最近有无同房？
我：上次监测果日就有。
梁：听日要努力下啦，最好争取今晚。如果佢累，就听日啦
        中秋得唔得闲过黎？估计会排

我突然心里一喜！！  我嘅努力开始有效果啦！！！

wei_winnie

壮阳药又再重现......... ，为左谷大个卵泡，壮阳就壮阳啦，其实主要系补肾

今日药方：
白术15g        巴戟天30g    菟丝子15g    仙茅15g      
淫羊藿15g    何首乌15g    肉苁蓉15g     甘草6g

sally001

我都系雌低呀..
我吃左坤培丸吃了差不多半年了..都仲系月经不调..无效啊.