cici1590

端午节阳西沙扒湾之旅归来（准备篇）
       今年端午节国家规定休三日息，经过漫长赶工时间后，迎接就系假期到黎。之前系Q群都讲过下上年我系阳西沙扒玩的一些事情，好多人都好感兴趣，特别系沙滩同埋海鲜，系最多人钟意的。系半推半就情况下我就组织一次阳西沙扒之旅（其实自己都好想去玩的 ）。
            端午节前后多雨水，就系人都知啦。其实系准备报名果时都考虑过依个问题。但系好像每个人因假期、海鲜，沙滩的问题冲晕了头脑。系六月上旬就报齐名啦，开始我都无打算组织一部大巴车甘多人，点知一传十，十传百，个个都话要参加喔。加上旅社果边房价不断甘上升（因为假期关系，房价真系一日比一日贵的）。好彩我同旅社倾好包一个整团出发，先可以保持到原有价钱。
           讲起住宿，上年就住自然居。今年我就转住海边度假屋，所谓海边度假屋就系当地人自建度假屋，分租俾游客住的，当然，一分钱一分货。不过到当日安排房间时，我地都好满意的，房间都好干净，而且基本设施都有齐啦。价钱都相当合理。由住宿地方出发到沙扒海边都系几分钟就得啦。相当方便。周围有好多食海鲜同埋买野的地方。相当热闹！
          从佛山出发到阳西沙扒系无直达的，都系要广州果边出车，由我地依边佛山拼团的。但如果包晒成部车，就可以选择上车地点，就系因为甘样，我地车比其它拼团旅行车提前左半个钟出发。依样系最为方便的。因为佛山拼车上车点都较远，小朋友同埋老人家都唔太方便的。
        系出发前，我就将我自己上年准备好攻略心得都发俾团员睇，只系作参考，因为系自由行，所以就都系自己话事的。点知一到步，就有一大帮人跟住我去稳食！

我们住的海边度假屋,外观都唔错.仲有个阳台俾你挂下湿左的衣服.

[ 本帖最后由 cici1590 于 2010-6-21 09:04 编辑 ]

cici1590

端午节阳西沙扒之旅番黎啦（行程篇）
        6月14号早上七点45分，好多人都准时到达上车地点，季华路东建世纪广场KFC门口处。大家都可以系8点正全部人都坐系车上出发，依样野真系值得赞扬的。因为系节假日问题，导游梁小姐都话早十分钟出发就已经唔同的啦，可幸就系就我地好依时出发，从佛山出发，果天都系阴阴沉的，一直到梁金山服务站，果天就落起大雨上黎。我地一行人上厕所都要罗住雨伞去，好狼狈！！


瀛瀛开心食紧文仔妈妈送距布丁。
            大家系车上都心谂，去到一定好大雨啦，都无乜机会去沙滩玩啦，点知进入阳江境内，天色就即刻变好。仲出埋太阳添。导游小姐话，其实阳西依边一般黎讲，都好好天气的，好少会落大雨，除非系打台风。因为同车有两帮人住宿地点有D唔同，我地全部人系海滨大道落车后，就准备去稳食啦，因为全部度假屋都系1点钟先安排房入住的。甘我地就分开一大帮人去稳食，点知个个跑黎问我，问我去边度食，我就话去金姨大排档，点知个个人都跟住我过去食。
            今次比上次明显多左好多旅客过黎玩，连D三轮车D人都多好多。个个都黎争客仔，梁生拣左一个老伯部车，我地一共大细10人一齐坐依部车，30蚊包两日。老伯好明显系本地人，说话口音我地不太会听。（下次一定要拣一个识听识讲粤语先得，就系因为老伯方言，搞到我地几次CALL车都讲唔明地点）连续有三部三轮车一齐到左位于市场果边工商行对面果间“金姨大排档”。依间大排档我上年就想去食，但上年去到果时，距刚刚装修，无法经营。今次一定要去试下。（好彩无拣错，平靓正！！我地当左果度饭堂甘，除左早餐，三餐正餐都系果度食！
              当日中午，我地一黎就抢个位先，因为节假日人多，一定要先抢位先订好菜先得，唔系靓位靓海鲜就会俾人罗晒啦。好多人会谂，家阵系休渔期，无乜野食，都唔系。其实都有。只系数量有限，价钱都唔算贵。我地当日中午十个人，埋单就209蚊，抵到烂！！！食都食唔晒D野。炒青菜7蚊，赖尿虾10蚊一斤（唔一定有膏，但我地叫左两斤都有一部份系有膏的，好新鲜，无死虾，都几大只下）、炸墨鱼饼（哇，碟墨鱼饼好鬼大碟，最后我地都食唔晒，甘大碟先收20蚊。）、叫左一条“桂鱼”好像系28蚊一斤，蒸得唔错。明虾，好像25蚊一斤，好爽甜！蚝仔煎蛋一个例，几多蚝仔下。仲叫左一支大可乐添。好像仲有一两个菜，我唔多记得啦。反正到最后我地十个人都食唔晒。特别果碟墨鱼饼，真系好抵食。平均每人先20蚊，系佛山都食唔到啦！
             食完中午饭就去海边度假屋罗房匙，我地住就系靠近沙扒湾海边一D居民自建度假屋。附近两排海滨大道都好多。入面都几干净下，基本设施都好齐全的。



瀛瀛已经换好晒泳衣，着埋毛巾准备出发去月亮湾啦！

好可爱粉红色猪猪装呀，依件毛巾，系我买定准备去沙滩玩的。超可爱。
                各位准备好后,就大家搭三轮车出发到月亮湾啦.从沙扒搭三轮车去月亮湾约十分钟车程啦。大家一早就换定好泳衣就出发去啦。一到沙滩，就见已经有好多人系度玩紧水啦

浪好大呀，小朋友都唔敢行得太前。只系海边或者浅水地方玩。但个个小朋友都好兴奋呀。瀛瀛开始唔敢行前玩水的，但渐渐地就都去冲浪啦。D水好咸呀。

瀛瀛同埋嬷嬷一齐玩水，瀛瀛件泳衣系新买的，指定要美人鱼公主图案的。你睇，开心到距果样！

我地系果度用左20蚊租左一个太阳伞同埋两张凳。同行的人轮流坐系度休息，刚好有个阿姨唔记得带泳衣，无落到水，就坐左系度“帮我地睇住D衣物”。呵呵~
             系临走时，发生一段小插曲。有其它游客唔听救生员的说话，私自游出界线外。刚好遇上退潮，俾D浪冲左去第度，果时好多救生员去救，好像救左两个人。但实际有几多个人卷走左都唔知道。D人太唔注意安全啦。

[ 本帖最后由 cici1590 于 2010-6-18 09:02 编辑 ]

cici1590

            大约五点几就要离开月亮湾啦。虽然凭门票可以系果度冲淡水凉，但实在太多人啦，而且果D花洒好像唔出水甘，我地只系用淡水系甘冲一冲就上车番住宿营地方，再重新冲多一次凉啦。
          原本上年晚上去左果间“沙角湾”大排档，我就唔多钟意啦，之不过距就环境几好下。对住果码疛，梁生就话去。点知去度，茶位都开埋啦，去拣海鲜时发现D海鲜唔多新鲜。态度又唔好，我地米走咯。家阵沙扒又唔系得一间食饭地方。我地一行人出到去，结果大家一致认为都系去番今日中午果度抵D。结果就去番“金姨大排档”食。一入到去，我就大大声同梁生讲，今晚要食好D啦。点知梁生距地就听成：“今晚要食豪D啦”！就发晒狂甘点菜啦。
          埋位等食期间，我仲惊今晚D菜一定好贵啦。点知埋单先336蚊，我地都系十人一围台。计算一下我地食左D乜野先：一条芝麻斑（好像50蚊一斤），两斤钉螺（先十蚊就有两斤啦，好好食，肉质唔错），一条海鳝（整成盘龙鳝上），酱爆鱿鱼筒（依个菜正，好像20蚊，D鱿鱼筒超新鲜，又大只，成碟份量好足），叫左一只果度出名泥焗鸡添，炒碟番暑叶添，好像仲有D虾之类，我就唔记得，男人们就开左几支啤酒。女人小朋友继续饮可乐啦。埋单时都系每人33.6蚊，抵！！！
          大家食完饱饱就一齐从市场果边行路番沙扒广场啦。沿路有好多野睇呀，有好多小贩买特色小食，有卖菠萝蜜（果度专产菠萝蜜，先2蚊一斤，系佛山买，最平都要7蚊一斤啦，有D地方仲卖成10蚊添），卖土产的。热闹到乜野甘~~~~~！我地去到沙扒广场，已经有好多人买烟花去沙扒海滩放烟花啦。甘我地都买番几支啦，多谢晒轩妈买烟花俾瀛瀛放喔，呵呵。小朋友都殖得好开心。系海滩果度，D海风吹过黎，真系好爽呀！！！但果晚风太大啦，放唔到孔明灯。我地放完烟花就番房训觉啦。适逢世界杯日子，D男人点会放过呀，米成帮男人系一间房度睇足球咯。都唔知距地睇到几点啦。反正听讲后来两点几仲出去食宵夜的。出面好多烧烤档。
         早上八点钟，瀛瀛就主动起身叫醒我啦。我都仲好像好眼训甘，梁生可能好夜番。仲训紧。其它房妈妈同埋小朋友都相约地起床啦。我地出去准备食早餐啦。其实沙扒档档早餐都差唔多啦。我地就就近，系住宿楼下对面档食啦，价钱都系一样的。各类海鲜粥5蚊一碗。我同埋瀛瀛共要一碗花蟹粥，几清甜，蟹盖仲有膏添。仲要一碟猪碌粉（系果边特色，类似我地猪肠粉，但系卷住豆芽同埋红萝卜，再系上边加上芝麻酱添，好好味，一碟先3蚊。我同埋瀛瀛用左8蚊就食得饱饱啦。
          食完饱饱早餐，我地相约几个人去海天度假村行下啦。系沙扒广场往左手边一直行就系啦。上年果边都无开发，沙扒果时唔使收费。家阵就话要收门票。我地去到好多浪呀，仲大过寻日系月亮湾玩果时甘。

沙扒湾靠码头部份,有好多出海船只停左系度。游客可以自费乘坐出去青洲岛。不过我地就无试过。因为身边小朋友较细，等距大D先再去啦。当日好大浪，我见到都无乜人出海。

疯狂两母女，企系礁石度影相。后面D浪系甘冲过黎喔。
            我地一直沿住海边踩住海水甘行，瀛瀛学我地甘，一只手拎住自己对鞋仔，一边踏住海水行，好开心！

[ 本帖最后由 cici1590 于 2010-6-19 10:49 编辑 ]

spongebob

等PP

天涯724225987

期待照片

liang22

好想个女快D大个，现在太细嘞，带距出去旅游唔方便.

中浩妈妈

给点相片来看啊！！！

白白嘀～～～

甘少相噶？

心悠然

沙扒我们去年7月份的时候去过一次，感觉那边的民风比较纯朴。
  我们去的那次都够经典了，7月天热辣辣的，晚上训觉个个开空调，吾够过烧了保险丝，全个镇停电。
  原本以为好快可以搞掂，点知修来修去都修不好，晚上12点几热得训不着，抱着女儿在街上游荡，痛苦！最后好在赶在狂风暴雨来之前抢收完先有觉好训。不然那晚都不知道点过。

cici1590

   

原帖由 心悠然 于 2010-6-19 00:26 发表
沙扒我们去年7月份的时候去过一次，感觉那边的民风比较纯朴。
  我们去的那次都够经典了，7月天热辣辣的，晚上训觉个个开空调，吾够过烧了保险丝，全个镇停电。
  原本以为好快可以搞掂，点知修来修去都修不好，晚 ...

七月份开始,天气会好热而且系旺季啦。我地端午去到都还算可以。但都晒黑左少少，如果系七八月份，我谂可能会晒到掉皮，沙扒果边天气比佛山热左几度。而且无落雨的。

小卡拉

仔仔再大D,我都要参加

BB淇淇妈咪

好玩`````

cici1590

   

原帖由 小卡拉 于 2010-6-19 12:04 发表
仔仔再大D,我都要参加

今次同行有五六位两岁半左右小朋友,好好玩,下次一齐啦

中浩妈妈

下次一起玩玩。

心悠然

   

原帖由 cici1590 于 2010-6-19 11:19 发表

七月份开始,天气会好热而且系旺季啦。我地端午去到都还算可以。但都晒黑左少少，如果系七八月份，我谂可能会晒到掉皮，沙扒果边天气比佛山热左几度。而且无落雨的。

   
有落雨的，我们原本是想逗留2天才走的，第一天只是去了月亮湾（那边的沙很粗，喜欢上川的沙细细的踩上去很舒服）点知道当晚就狂风骤雨，第二日水浸街，只好失望的 走了

cici1590

   

原帖由 心悠然 于 2010-6-21 13:53 发表

   
有落雨的，我们原本是想逗留2天才走的，第一天只是去了月亮湾（那边的沙很粗，喜欢上川的沙细细的踩上去很舒服）点知道当晚就狂风骤雨，第二日水浸街，只好失望的 走了

只记得14号晚半夜落雨,但早上就无落了,但好闷热,.早上我地去左沙扒湾踩一下海边.但日头两日都无落到雨

linlinzhong

好后悔无去啦...下次再组织去啦..

臻猪妈

好羡慕哦，可惜我家BB还小，不能去

孩子们的爸

够晒精彩啊。