kefir

近日发现妈妈网share过一篇教整香芒糯米糍的帖，由于本人同老公子都系许X山的fans，劲爱芒果甜品。咁就一于决定按足指示买齐材料，琴晚试下自己整一份出嚟啦~~~8" />
        多谢妈妈们的慷慨解囊教学，经本人的家庭实践终于泡制咗。。。灯蹬登凳——又香又软，又Q又肥嘅香芒糯米糍！！！根据老公子强烈要求，一定要皮薄馅多嘅！！ 终于成品出嚟啦，睇下佢个样，肥嘟嘟白雪雪咁，一整好就想一啖咬落去~~~
        正因为支持原创，又想自己创新下咁，咪整多一份宇治金时（红豆绿茶）糯米糍配搭下咯。其实做法一样，只系换成抹茶粉+糯米粉开糊蒸熟。由于时间关系，馅料系从莲香楼买返嚟的价值16大元嘅红豆沙一包，然后接原方法直接包馅，碌椰蓉就搞掂！！！4" /> 一样买相一流，仲好好味添~~~
        不过如时间充裕，一定唔会用买返嚟的豆沙馅，本人尝味一向偏淡，觉得外面买的豆沙太甜，而且无质感。如果自己买红豆返屋企，用压力煲煮霖，甜度可以自己掌握，加上粒粒红豆的质感，一定会更正啫！！！
好啦~~废话少讲啦，上片先！！！欢迎妈妈们拍砖，俾D意见啦~~~


[ 本帖最后由 kefir 于 2010-5-25 13:21 编辑 ]

佳月妈妈

上做法

kefir

其实做法都系之前的妈妈们share过的，我唔敢邀功，呵呵~~
简单讲下做法啦~~
1、准备糯米粉一包（500g），我分开做咗两种口味的糯米糍。椰蓉适量。
芒果品味：维他芒果汁一包（250ml），熟芒果2个切丁。
宇治金时（红豆绿茶）品味：莲香楼豆沙一包，抹茶粉50g。
2、开粉——将糯米粉沟芒果汁（或抹茶粉、250ml水），搅匀，搅到成糊状，无晒结粒。然后放入微波炉高火蒸5分钟，一定要冚盖，否则就变成烧饼了。
3、糯米粉蒸熟后，放置冷却。中途可以用筷子不停搅拌到冷却。
4、取出粉团，好似包汤丸一样，将芒果丁包入去。要皮薄馅饼先好食哦~~~呵呵，呢个系我家老公子的强烈要求！！！
5、将肥嘟嘟的糯米糍碌一身白雪雪的椰蓉，搞正晒！！！
放入雪柜冷却就可以享用啦~~~~

小铭靓妈咪

好正啊！我周日又做左，不过系搓好粉，用花生酱做陷，包好再蒸，好难包！下次试下LZ的做法。

babyhitty

我都好中意许X山的芒果糯米糍，等我也试试做

快乐的孩子

等我学下先